नारायणी नदीमा हामफालेकी महिलाको उद्धार

साउन २३,काठमाडाैं– नारायणी नदीमा हामफालेकी एक महिलाको उद्धार भएकाे छ  ।उनका  दुई बालबालिकाको भने ज्यान गएको छ ।

नवलपरासीपूर्व विनियी त्रिवेणी गाउँपालिका–७ ब्यारेज पुलस्थित छाताचोकबाट नारायणी नदीमा आमा सुधा विश्वकर्माले दुवै बच्चा साथमा लिएर  हामफालेकाे थिए । पाल्हिनन्दन गाउँपालिका–५ बस्ने सुधा विश्वकर्माका छोरा साढे दुई वर्षीय अभिनाथ विश्वकर्मा र डेढ महिनाकी छोरी निकिता विश्वकर्माको ज्यान गएको हो ।

आमा २४ वर्षीया सुधा विश्वकर्मालाई भने स्थानीयबासीन्दाले उद्धार गरेका छन् । आमा सुधा विश्वकर्मा प्रहरी नियन्त्रणमा रहेको  जिल्ला प्रहरी कार्यालय नवलपरासीपूर्वका प्रहरी निरीक्षक राजेन्द्र अधिकारीले बताउनुभयो ।

उनका श्रीमान प्रहरी युक्ती तालिम महाविद्यालय जर्गाहा नवलपरासीमा कार्यरत रहेका छन् । घटनाको बारेमा थप अनुसन्धान भइरहेको प्रहरी निरीक्षक अधिकारीले बताउनुभएकाे छ ।

Leave a Reply

Your email address will not be published. Required fields are marked *