यात्रुको गोजीबाट रकम चोरी गर्ने युवक पक्राउ

२० साउन, काठमाडाैं- बसभित्र यात्रुको गोजीबाट रकम चोरेर भाग्दै गरेका युवकलाई प्रहरीले पक्राउ गरेको छ ।

सिरहाको लहान नगरपालिका ९ निवासी २४ बर्षीय मोहम्मद राज शेख जनकपुरधामको पिडारी चोकबाट उनलाइ  प्रहरीले पक्राउ गरेका हुन् ।

शेखले धनुषाको क्षिरेश्वरनाथ नगरपालिका १ रमदैया भवरीका रामु यादवको साथबाट एक लाख २० हजार रुपैयाँ चोरेर भागिरहेका क्रममा उनी प्रकाउ भएका हुन् ।

जनकपुरबाट सिरहाको माडरतर्फ जाँदै गरेको बसमा चढेका यादवको साथबाट शेखले बसमै पाकेटमारी गरेका थिए । उनलाई भाग्ने क्रममै पिडारी चोकमा ड्यूटीमा खटिएका प्रहरीले लखेट्दै नियन्त्रणमा लिएका हुन् ।

बरामद भएको उक्त रकम यादवलाई बुझाइएको प्रहरीले जनाएको छ ।  चाेरी गर्नेलाइ  नियन्त्रणमा लिइएका शेखको बिषयमा अनुसन्धान भइरहेको प्रहरीले बताएका  छन् ।

Leave a Reply

Your email address will not be published. Required fields are marked *