दोहोरो अङ्कले घट्यो शेयर बजार
काठमाडौं – धितोपत्र बजारमा बुधबार शेयरको मूल्यमा १३ अङ्कले कमी आएको छ। नेपाल स्टक एक्सचेञ्जका अनुसार कारोवार मापक नेप्से परिसूचक १३ दशमलव १६ बिन्दुले घटेर एक हजार १५० दशमलव १० विन्दुमा झरेको छ।

यस्तै ठूला कम्पनीको शेयर कारोवार मापन गर्ने सेन्सेटिभ परिसूचक दुई दशमलव ७२ विन्दुले घटेर २४४ दशमलव ७५ विन्दुमा पुगेको छ। स्टकका अनुसार बुधबार कूल १७४ कम्पनीको १४ लाख ८० हजार ६२ कित्ता शेयर ४२ करोड ८३ लाख ४१ हजार १५२ मूल्यमा खरीद बिक्री भए।

कारोवार भएका १० उपसमूहमध्ये वित्त २ दशमलव ७४ विन्दुले बढेको बजारमा अन्य उपसमूहको शेयर भने घटेको छ। बैंकिङ १० दशमलव ५८, होटल ४२ दशमलव ४५, विकास बैंक १७ दशमलव ६२, जलविद्युत् २१ दशमलव ०९, निर्जीवन बीमा ८९ दशमलव ०५, उत्पादन ३८ दशमलव ८१, अन्य २ दशमलव ३९, लघुवित्त २१ दशमलव ६१ र जीवन बीमा ७३ दशमलव ५१ विन्दुले घटेको छ।

Leave a Reply

Your email address will not be published. Required fields are marked *